Presidenti Ilir Meta ka reaguar sërish për dhunimin e aktivistes së Partisë Demokratike, ngjarje e raportuar paraditen e sotme.
Meta u shpreh se Aktin Shehu, shefi i Komisariatit të Divjakës është raportuar katër herë Brenda këtij muaji nga dega e Partisë Demokratike në këtë qytet.
Meta shton se nëse do të ishin marrë parasysh këto kallëzime, atëherë dhunimi i Elsa Bitës, mund të ishte parandaluar.
“Shqipëria nesër në Referendum kundër dhunës dhe pro paqes e bashkëjetesës demokratike dhe vëllazërore, si shqiptarë dhe shtetas të barabartë para ligjit.Barazia e votës na garanton barazinë përpara ligjit. Sovrani është nisur të marrë në duart e tij vullnetin, që ia tjetërsuan përmes dhunës. Me qetësi dhe vendosmëri t’i tregojmë Europës së Bashkuar se e meritojmë vendin tonë plotësisht si anëtarë me dinjitet dhe identitet. Ngjarja e rëndë e ndodhur sot në Divjakë mund të ishte parandaluar nëse të katër kallëzimet do të ishin hetuar në kohë,”- shkruan Meta në rrjetin social, Facebook.
