Dhunë në derbin e Athinës, përplasje mes tifozëve dhe policisë (Video)

Në Superligën greke do të ketë një përballje mjaft interesante, në 18:30 do të zhvillohet derbi i Athinës, me Olimpiakosit dhe AEK-ut. Por duket se për tifozët kjo sfidë ka filluar disa orë më parë, ku pranë stadiumit “Karaiskaqis” ka pasur përplasje mes tyre, ku është dashur ndërhyrja e policisë për ti ndaluar.

Policia e Athinës, në tentativë për të mbajtur rregullin dhe ruajtur qetësinë në rrugët e kryeqytetit grek pranë stadium, ka marrë si përgjigje gurë dhe sende të forta nga fansat e Olimpiakosit, por brenda një kohe të shkurtër situata është normalizuar. Edhe në ndeshjen me PAOK-ut dhe Pas Janinën tifozët e të dyja skuadrave kanë shkaktuar trazira, duke përdorur sende të forta, por nuk ka raportime për të lënduar.