Ka shkuar në 45 numri i të shoqëruarve për protestën e opozitës. Personat e shoqëruar akuzohen për dhunë në protestën e djeshme të opozitës, ku si për pasojë e përplasjes mbetën të plagosur disa efektivë.
Gjatë protestës te Parlamenti, protestuesit i vunë zjarrin një makine të parkuar, goditën me sende të forta në drejtim të policisë, si dhe thyen xhamat e një biznesi aty pranë.
Protestuesit hodhën tymuese, flakadanë e kapsolla në drejtim të policisë, ndërsa kjo e fundit u kundërpërgjigj me gaz lotsjellës e ujë me presion.
Të plagosur mbetën si efektivë policie, ashtu dhe protestues. 5 punonjës policie u dërguan në Spitalin e Traumës me dëmtime kryesisht nga lëndët piroteknike dhe sendet e forta.
