Tri gra nga Durrësi i janë drejtuar policisë për të denoncuar dhunën nga ana e bashkëshortëve të tyre si dhe për të kërkuar mbrojtje.
Policia bën të ditur se për të tria rastet, janë plotësuar kërkesë-paditë për lëshimin e urdhrit të mbrojtjes së menjëhershme ndaj tyre si dhe ka nisur procedimet për burrat dhunues.
“*Më datë 03.09.2017, u plotësua kërkesë-padia për lëshimin e urdhrit të mbrojtjes së menjëhershme, për shtetasen V.B., vjeç 48, banuese në Durrës, pasi dyshohet se bashkëshorti F.B., vjeç 53, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.2006, ”Për masa ndaj dhunës në marrëdhëniet familjare”.
*Më datë 03.09.2017, u plotësua kërkesë-padia për lëshimin e urdhrit të mbrojtjes së menjëhershme, për shtetasen M.Xh. vjeç 48, banuese në Durrës, pasi dyshohet se bashkëshorti F.Xh., vjeç 43, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.2006, ”Për masa ndaj dhunës në marrëdhëniet familjare”.
*Më datë 03.09.2017, u plotësua kërkesë-padia për lëshimin e urdhrit të mbrojtjes së menjëhershme, për shtetasen E.S., vjeç 31, pasi dyshohet se bashkëshorti B.S, vjeç 32, ka ushtruar dhunë psikologjike ndaj saj. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.2006, “Për masa ndaj dhunës në marrëdhëniet familjare”.
Dhuna në familje është një ndër temat që po i kushtohet vëmendje e madhe ditët e fundit nga ana e krerëve të institucioneve më të larta në vend, që pas rastit tragjik të 4 ditëve më parë, kur Fadil Kasemi vrau me armë zjarri ish-bashkëshorten e tij, gjyqtaren Fildez Hafizi në mes të Tiranës.
