Javën e fundit është propozuar ashpërsimi i ligjit kundër dhuna ndaj gruas. Ligjvënësit shqiptar kanë propozuar një projektrezolutë që tashmë ka kaluar në Parlament. Ish-deputetja e Partisë Demokratike, Majlinda Bregu është një nga zërat mbrojtës të kësaj çështje, për forcimin e masave ndëshkuese ndaj atyre që dhunojnë gratë. Në emisionin “Kjo javë”, teksa ka përshëndetur miratimin e kësaj rezolute, Bregu thotë se me rëndësi është mënyra se si do të vijohet me zbatimin e ligjit.
“Më shumë problem në Shqipëri mbetet fakti se pas një jave aksion, këto gjëra harrohen. Duket sikur hallet e të përditshmërisë, dhe problemet e jetës së qytetarëve janë ato që mbeten më pak të prekshme sesa debati politik. Ne i harrojmë shpejt këto ngjarje, e pastaj kujtohemi kur vjen viktima e radhës”, shprehet Bregu.
Teksa kujton rastin e gruas që burri i saj e hodhi nga ballkoni, Bregu thotë se ngjarje të tilla pa kaq tragjike, kanë ndodhur disa në vendin tonë. Ajo përmend rastin e gjyqtares së vrarë në mes të ditës në Tiranë nga ish-burri i saj.
