Prokuroria e Tiranës ka nisur sot hetimet për policin që akuzohet se ka dhunuar 15-vjeçarin Sarandi Çobo.
Mësohet se prokuroria pezullimin nga detyra të efektivit te policisë Gleni Ndreu, teksa njofton se po ashtu vijojnë hetimet për persona të tjerë të përfshirë.
Kujtojmë se pak më herët ditën e sotme nëna e 15-vjeçarit, Zaida Çobo ka paditur kreun e Policisë së Shtetit, Ardi Veliun, pas publikimit të një video nga ky i fundit, ku pretendonte se ajo shfaqej me armë.
Njoftimi i plotë i prokurorisë:
Prokuroria e Rrethit Gjyqësor Tiranë ka regjistruar procedim penal për të evidentuar veprimet e dhunshme të kryera nga punonjësit e policisë së shtetit, për rastin e të miturit S.Ç. Në vijim të veprimeve hetimore të kryera është kërkuar në gjykatë, pezullimi nga detyra, të efektivit të policisë G.N, sipas nenit 242 te Kodit te Procedurës Penale. Veprimet hetimore vijojnë për evidentimin e përgjegjësisë penale të personave të tjerë të përfshirë.
