Lajmi se gazetari i njohur Blendi Fevziu do të braktisë televizionin Klan për të shkuar në Top Channel bëri bujë të madhe këto ditë. Vetë gazetari u shpreh se ishte ende duke e menduar dhe ende nuk kishte marrë një vendim përfundimtar.
Në një intervistë për emisionin ‘Provokacija’, Blendi ka rrëfyer se vendimin për tu larguar ende po e mban pezull tundimi emocional.
“Sigurisht vendimi që marr, nëse do e marr do dhembi shumë. Nuk është se do të thosha që më keni parë 21 vjet në emision dhe nuk do më shikoni më. Kjo ka të bëjë me lëvizjen. Është një gjë që ka ndodhur rëndom në botën e futbollit. Është një moment kur ti merr një vendim, e keqja është se vendimi këtu shikohet si financiar, por mund të jetë edhe një vendim emocional.”- shprehet Blendi.
“Nuk kam vendosur akoma. Ta thashë që nuk kam vendosur se po të kisha vendosur nuk do e zgjasja. Jam duke parë edhe atë tundimin e forcës për të më mbajtur. Nëse vendimi ka një dorë emocionaliteti brenda, vendimi është edhe më i paqartë. Nëse do ishte një vendim racional do ishte shumë më e thjeshtë. Racionaliteti krijon qartësi.”- rrëfehet ai.
