Kreu i partisë Bindja Demokratike, Astrit Patozi, ka ironizuar përmes një postimi në rrjetet sociale, dy forcat kryesore politike në vend. Ai ka shpërndarë një foto të vjetër, kur opozita në atë kohë i hodhi miell Ramës, si shenjë e kokainës.
Duke kujtuar të gjithë përplasjet e vazhdueshme mes dy palëve, Patozi thotë me ironi: ‘hajde pastaj të mos i votosh’. Zgjedhjet po afrojnë dhe secila palë ka shpalosur projektet e po me ngulm po kërkohet edhe vota, një votë për ndryshim.
Para zgjedhjeve të 25 prillit, aq shumë të komentuara e po aq shumë të dëshiruara nga klasa politike, është pasqyruar mjaft pastër nga Patozi. Ai i rikthehet temave të nxehta të stërfolura gjatë ditëve të fundit, si me pandeminë e të vdekurit dhe akuzat e dëshmitarëve për masakrën e Krushës.
Lidhur me këto akuza e kundër-akuza, Basha i ka konsideruar deklaratat e Ramës vetëm gënjeshtra, ndërsa thekson se nëse do ishte marrë dhe do kishte bërë mirë punën e menaxhimit të pandemisë, do kishte shpëtuar jetë njerëzish. Për këto çështje dhe të tjera, Patozi kërkon reflektim nga ana e qytetarëve, dhe të dinë se çfarë do të bëjnë me votën e tyre!
Statusi
DHE HAJDE PASTAJ TË MOS I VOTOSH…
Ja temat kryesore, që na prezantojnë 5 muaj përpara zgjedhjeve të 25 prillit dy partitë më të lodhura dhe më të stërkonsumuara nga pushteti dhe opozita në këto 30 vjet:
-Varreza e Krushës, morgu i Tiranës, kush e ka tradhtuar më shumë Kosovën dhe kush ia ka ngulur thikën më fort Shqipërisë.
Dhe hajde të mos i votosh ato pastaj!
