Ngjarja në fjalë është regjistruar në Norvegji, teksa kompania e mobilieve ‘Ikea’ ka shpërblyer punonjësit e saj me 4,000 dollarë për secilin.
Në prag Krishtlindjesh kompania u dhuroi nga 40,000 koronë (e barasvlershme me 4,000 dollarë ) 3 mijë punonjësve të saj.
“I gjithë personeli që ka punuar së paku 6 muaj në total gjatë gjithë vitit do t’ju jepet një bonus prej 113 %. Kjo do të thotë që secilit punonjës do t’i jepet më shumë se një pagë mujore shtesë në dhjetor”, tha përgjegjësi i marrëdhënieve publike për kompaninë, Nor E. Egger Westin për Nettavisen Westin..
Sipas mediave të huaja, pagesa e bonusit do t’i kushtojë ‘Ikea’ plot 120 milion koronë.
Kompani ka shpërndarë shpërblime për punonjësit çdo vit, por asnjëherë të këtyre përmasave. Në vitin 2016 dhe 2017, shpërblimet e Krishtlindjeve nga kompania ishin mesatarisht rreth 12.500 koronë.
“Kur japim rezultate të mira, kjo është në sajë të stafit tonë që janë atje çdo ditë. Kjo është arsyeja pse ne duam të japim diçka përsëri, dhe bonusi është një mënyrë e mirë për ta bërë atë”, shtoi ai.
