E diel, 1 Gusht, 2021
37.5 C
Tirana

Sherr në sallën e gjyqit, familjarët e viktimës përleshen me të akuzuarit

Seanca gjyqësore e mbajtur sot në Gjykatën Themelore në Ferizaj për vrasjen e ndodhur në shkurt të 2018 ka degraduar në përleshje mes familjarëve të viktimës dhe personave të akuzuar si autorë të kësaj vrasjeje.

Për vrasjen e Besart Hasanit, po akuzohet Albert Ramadani, kurse për pjesëmarrje në rrahje, e cila i kishte paraprirë vrasjes po akuzohen, Artan Ramadani, Fadil Ramadani, Argjend Ramadani dhe Driton Krasniqi, raporton “Betimi për Drejtësi”.

Po ashtu, Krasniqi po akuzohet edhe për veprën penale të mashtrimit, lidhur me shitblerjen e një veture të markës “BMW X5”, e cila sipas prokurorisë kishte qenë edhe shkak i vrasjes.

Teksa të gjithë po prisnin vijimin e gjykimit, familjarët e të ndjerit u përleshin fizikisht në sallë me familjarët e Ramadan Krasniqit. Ky rast është konfirmuar për “Betimi për Drejtësi” nga zyrtarë të Gjykatës Themelore në Ferizaj, të Prokurorisë Themelore në Ferizaj, si dhe Policia e Kosovës.

Ngjarja ka precipituar sepse në seancën e sotme ishte parashikuar që të shfaqeshin video-incizimet e vendit të ngjarjes. Për pasojë, avokati mbrojtës i Albert Ramadanit, Ymer Huruglica kërkoi që gjatë shfaqjes së tyre të largoheshin të akuzuarit dhe publiku. Propozimin për përjashtimin e publikut e ka aprovuar edhe prokurori i çështjes, Rasim Maloku

Lidhur me propozimin për përjashtimin e të akuzuarve tha se i mbetet trupit gjykues të vendosë. Ndërsa, kundër këtyre dy propozimeve ishte avokati i familjes së të ndjerit Hasani, Ramiz Krasniqi.

Ndërkohë, kreu i trupit gjykues, Mustaf Tahiri mori aktvendim që të akuzuarít të qëndronin, ndërsa publiku të përjashtohej. Ky vendim irritoi anëtarët e familjes së të ndjerit, të cilët refuzuan që të dilnin. Më pas nisi edhe përleshja mes tyre.

Zëdhënësi i Stacionit Policor në Ferizaj, Agim Gashi, ka thënë për “Betimi për Drejtësi”, se rasti ka ndodhur rreth orës 11:00, gjatë seancës gjyqësore, ku ka ardhur deri tek konfliktí mes palëve në procedurë. Ai ka thënë se 13 persona janë ndaluar, ku shtatë prej tyre janë në cilësi të të dyshuarve, ndërsa gjashtë të tjerë në cilësi të dëshmitarëve.

“Policia ka intervenuar ka vënë situatën në kontroll, dhe lidhur me këtë rast janë shoqëruar 13 persona për në stacionin polícor nga të dy palët. Të njëjtit janë duke u intervistuar, ndërsa lidhur me hapat e mëtutjeshme, ato do të merren në konsultim me prokurorin, ka thënë zëdhënësi i Stacionit Policor në Ferizaj, Agim Gashi. Ndërsa, prokurori i çështjes, Valdet Avdiu, ka thënë se për këtë rast janë ndaluar disa persona.

“Janë ndaluar disa persona, dhe të njëjtit janë duke u intervistuar. Ende nuk ka kallëzim penal”, ka thënë prokurori i çështjes, Valdet Avdiu.

- Reklama -

Më shumë nga kategoria




Të fundit

SHBA sanksionon më shumë zyrtarë kubanë për shtypjen e protestave

Administrata e Presidentit Biden ka vendosur sanksione ndaj forcave policore të Kubës dhe dy udhëheqësve të saj pas protestave të fundit në vendin ishull...

Maqedonia e Veriut mund të rekomandojë dozën e tretë të vaksinës

Maqedonia e Veriut nuk e përjashton mundësinë e aplikimit të dozës së tretë të vaksinës kundër koronavirusit pasi, siç tha ministri i Shëndetësisë, Venko...

Izraeli akuzon Iranin për sulmin vdekjeprurës në cisternat e naftës

Izraeli ka akuzuar Iranin se qëndron pas një sulmi ndaj një cisternë nafte në të cilën u vranë dy anëtarë të ekuipazhit, një shtetas...

Pranoi plagjiaturën, bie popullariteti i kandidatit për kancelar në Gjermani

Kandidati potencial për të zvendësuar Kancelaren Angela Merkel, në Gjermani Armin Laschet ka kërkuar falje pasi ka përdorur plagjaturë në librin e tij. Laschet, në...

Manaj i pafat, portieri i Shtutgartit i mohon golin e radhës me Barçën (Video)

Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit. Sulmuesi shqiptar u aktivizuar vetëm në minutën...