Shqipëria dhe Greqia ranë dakord që t’i drejtohen drejtësisë ndërkombëtare për çështjen e detit.
Bojken Abazi, kreu i Lëvizjes Vetëvendosje në Tiranë, thotë në lidhje me këtë temë shumë të debatuar, se kryeministri Edi Rama është në tentativë të një tradhtie kombëtare.
Abazi u shpreh se nga ana juridike ne nuk ka asnjë kontest me Greqinë, por se kemi vetëm deklarata të palës greke këto 11 vite.
Ai ishte një ndër të proceduarit nga së bashku me Shpëtim Idrizin dhe Mesila Dodën, nga policia gjatë tubimit të organizuar nga PDIU kundër vizitës së Ministrit të Jashtëm grek, Nikos Dendias.
”Nga ana juridike ne nuk kemi asnjë kontest me Greqinë. Shqipëria i ka të shpallura 12 milje. Janë të njohura ndërkombëtarisht dhe të zyrtarizuara këto 12 milje përmes depozitimit që ka bërë në OKB. Greqia ka të shpallur dhe zyrtarizuara 6 milje detare dhe Greqia nuk ka ndërmarrë kurrë asnjë akt juridik për të bërë zgjerimin me 12 milje detare.
Pra cili është problemi? Nga ana juridike ne shohim që nuk kemi asnjë problem. Kemi vetëm deklarata të palës greke këto 11 vite. Një herë qeveria e majtë, një herë qeveria e djathtë, ministri i jashtëm, kryeministri që shpallin se do zgjerohen me 12 milje në Detin Jon.’’ u shpreh Abazi në ‘RTV Ora’.
