Në maj të vitit të kaluar, Prince Harry dhe Meghan Markle kurorëzuan dashurinë e tyre në një ceremoni madhështore. Ajo çfarë i la të gjithë pas fjalë ishte thjeshtësia e dukeshës së Sussex, e cila u shfaq me një ‘look’ të thjeshtë dhe fustanin e zgjedhur nga ‘Givenchy’.
Meghan mbante në duar një buqetë me lule të ndryshme, e cila ishte e vendosur edhe në kokën e shoqërueseve të nuses. Mirëpo, ajo çfarë nuk dihej deri më tani është së një nga lulet e përdorura për buqetën, mund të jetë vdekjeprurëse për fëmijët.
“Express.co.uk” ka mësuar se kurorat e vajzave të vogla ishin bërë nga zambaku i lugjeve, lisianthus dhe cuscus, që mund të jetë vdekjeprurëse, sidomos për fëmijët, duke vënë në rrezik kështu edhe jetën e Princeshës Charlotte.
Zambaku i lugjeve është një bimë që nëse gëlltitet mund të rrezikojë jetën e një personi. Sipas “Express” kjo lule është shumë e bukur dhe ka një aromë të këndshme, por në të njëjtën kohë është mjaft e rrezikshme. Duke qenë se të gjitha shoqërueset e Meghan ishin shumë të vogla në moshë, mund të kishin ngrënë diçka nga kjo lule, sepse fëmijët gjithmonë janë kuriozë të provojnë edhe gjërat që nuk konsumohen.
