Rreth një muaj më parë, u diskutua se hapësirën televizive të së enjteve në ABC News do ta shfrytëzonte Baton Haxhiu me një emision politik.
Por ai i është dedikuar të premtes në po të njëjtin televizion. Në këtë televizion pritet një prurje e re, një emër që nuk është aspak i panjohur.
Robert Aliaj do të vijë me një emision që do të mbajë emrin e tij, format i cili nuk lidhet me artin apo show-bizzin.
Burime pranë News31 bëjnë me dije se Aliaj do t’i përkushtohet një programi politik, i cili do të transmetohet në ABC News.
Jo vetëm kaq, pasi Roberti ka zgjedhur të shfaqet të enjteve në ekran, duke konkuruar kështu Blendi Fevziun në “Opinion” dhe Eni Vasilin në “Open”.
