Blutë e Tiranës kanë vënë në pranga një shtetas 29-vjeçar, i cili qarkullonte me armë zjarri pa leje. Shërbimet e njësisë “Shigjeta” të Drejtorisë Vendore Tiranë, dje kanë ushtruar kontrolle në rrugë të ndryshme të kryeqytetit, ku si rezultat i tyre u bë kapja dhe arrestimi në flagrancë i shtetasit Leonardo Rakipllari, 29-vjeç, banues në Tiranë.
Gjatë kontrollit të ushtruar në mjetin tip “Audi”, në rrugën “Isuf Elezi”, pasagjerit të mjetit, shtetasit Leonard Rakipllari, i është gjetur në çantën e tij të krahut, një armë zjarri e llojit pistoletë tip “Zastava”, të cilën e mbante pa leje.
Policia po kështu bën me dije se në cilësinë e provës materiale u sekuestrua arma e zjarrit pistoletë, dhe një krehër me 12 copë fishekë.
Materialet hetimore iu referuan Prokurorisë së Rrethit Gjyqësor Tiranë, për veprën penale ”Mbajtja pa leje e armëve luftarake dhe municionit”.
