Një i vdekur e një i plagosur është bilanci tragjik i të shtënave me armë zjarri sot në lagjen Rus, në Shkodër. Dy persona të cilët lëviznin me një motoçikletë kanë shtënë mbi ta.
Ende nuk dihet se kush ka qenë shënjestra e këtij sulmi, ku ka ndërruar jetë shtetasi Fatos Ferracaku, dhe ka mbetur i plagosur shtetasi Fatmir Mehaj.
Nga të dhënat e para, ende jo zyrtare, thonë se dy personat nuk kanë lidhje familjare, dhe nuk rezultojnë në skedat e policisë.
Viktima merrej me tregtinë e peshkut. I ndjeri është qëlluar me plumb në kokë. Pas ngjarjes së rëndë, autorët janë munduar të fshehin gjurmët, duke djegur motoçikletën.
