Aktori Laert Vasili, i cili shpesh herë është parë edhe në rolin e komentatorit politik kohët e fundit, është shpërblyer me postin e drejtorit të Qëndrës Kulturore në Durrës. Mësohet se drejtori aktual i Qendrës Kulturore “Aleksandër Moisiu”, Elio Bajramaj është shkarkuar. Vendin e tij do e zërë Vasili, vendim i cili do të merret të premten në mbledhjen e Këshillit Bashkiak Durrës.
Drejtori aktual i Qendrës Kulturore “Aleksandër Moisiu” në qytetin e Durrësit, Elio Bajramaj është shkarkuar nga detyra.
Kryetarja e Bashkisë, Valbona Sako ka shkarkuar drejtorin aktual të Qendrës Kulturore, Elio Bajramaj, i cili u emërua në këtë post pas daljes në pension të shkrimtarit Bashkim Hoxha.
Bashkia do ta paraqesë këtë emërim në mbledhjen e radhës të Këshillit Bashkiak Durrës, që do të mbahet të premten, më 27 shtator, duke kërkuar nga këshilltarët miratimin e shkarkimit të Bajramajt, nga drejtor i Qendrës Kulturore “Aleksandër Moisiu” dhe emërimin në këtë detyrë të Laert Vasilit.
