Pak orë më parë një automjet tip fugon humbi kontrollin në aksin Librazhd-Elbasan, në vendin e quajtur kthesa e Murrashit dhe përfundoi në lumin Shkumbin. Fugoni i mallrave i llojit sprinter me targa AA 195 JX ka humbur kontrollin dhe ka rënë nga një lartësi prej 200 metrash në lumin Shkumbin.
Mësohet se drejtuesi i mjetit Klajdi Agim Murataj nga Elbasani ka mbetur i plagosur.
Edhe pse forcat e policisë e kanë pasur të pamundur të ndërhyjnë për shkak të terrenit të vështirë dhe është kërkuar ndihma e zjarrfikëses së Elbasanit, shoferi ka shpëtuar mrekullisht.
