Zbardhet ngjarja e mbrëmshme, ku mbeti i plagosur shtetasi E.B. në Kamëz. Policia ka identifikuar autorin e plagosjes dhe e ka shpallur në kërkim. Autori mësohet se është një 47-vjeçar me iniciale B.B, banues në Tiranë.
Ky i fundit akuzohet për veprat penale “Vrasje me paramendim e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.
47-vjeçari ka qëlluar me armë zjarri në rrugën “Nato” në Laknas, Kamëz në drejtim të shtetasit E. B., 50 vjeç, i cili ndodhet në spital jashtë rrezikut për jetën. Dyshohet se ngjarja ka ndodhur për motive hasmërie.
Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Vrasje me paramendim e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 78/25 dhe 278 të Kodit Penal.
