Një atentat me lëndë shpërthyese i është bërë një 27-vjeçari, nga fshati Shtëpëz i Gjirokastrës. Vitjon Lluka ka qenë duke nxjerrë jashtë bagëtinë për t’i kullotur, e ndërsa lënda shpërthyese e ka dëmtuar në masë të madhe.
Burimet nga grupi hetimor në vendngjarje bëjnë të ditur se i riu ka parë një objekt të çuditshëm të mbështjellë me letër, dhe është ulur për ta hapur. Për fat të keq, lënda ka shpërthyer.
Mendohet se kjo ngjarje vjen si hakmarrje e një vrasje që ka ndodhur më 23 mars të 2016, në Kthesën e fshatit “Andon Poci” ku autor ka qenë Enrik Lluka, vëllai i Vitjon Llukës, të plagosur rëndë ditën e sotme.
Enrik Lluka në 23 mars 2016, ka qëlluar me armë zjarri ndaj kushëririt të dytë, Dorian Llukës, i cili ngeli i pajetë dhe Birbil Llukës që ngeli i lënduar si pasojë e dy plumbave. Enrik Lluka nuk është arrestuar ende nga policia.
