Detaje tronditëse dalin në dritë nga vrasja e 28-vjeçares Irvana Hyka në Fier, e cila u qëllua 31 herë me thikë nga bashkëshorti i saj, në Fier. Burime bëjnë me dije se e reja ka qenë në javën e 6-të të shtatzënisë, në pritje të fëmijës së saj të tretë, ndërkohë që për Fax News ka folur dhe xhaxhai i viktimës.
Ai është shprehur se vajza ka qenë tip i mbyllur, dhe nuk i ka rrëfyer familjes probleme që mund të ketë pasur me bashkëshortin e saj.
Babai i vajzës dhe të afërm të tjerë shprehen jashtë kamerave se me dhëndrin nuk kanë pasur probleme, dhe fillimisht iu është thënë se vajza kishte ndërruar jetë në mënyrë aksidentale.
“Di që nuk kanë pasur probleme në familje, lajmin e kemi marrë në mënyrë private, është herët që të flasim se çfarë do të ndodhë me fëmijët e mitur”, shprehet xhaxhai i viktimës.
