Lajmi se këngëtari shqiptar Arkimed Lushaj i njohur si Stresi është shoqëruar në polici u përhap shpejt në të gjitha mediat.
Burimet thonë se Stresi është shoqëruar për armëmbajtje pa leje. Ai u ndalua në ambientet e një hoteli të ndodhur në vendin e quajtur Linzë ku ndodhej me një femër, jo e fejuara e tij zyrtare Kejsi.
Bëhet fjalë për shtetasen me inicialet P.Ç., 20 vjeçe. Nga veprimet hetimore të kryera në lidhje me ngjarjen e mësipërme filloi procedimi penal në gjendje të lirë në lidhje me veprën penale të “Moskallëzimit të krimit”, parashikuar nga neni 300 i Kodit Penal ndaj shtetases P. Ç., 20 vjeçe, banuese në Tiranë, deklaron policia.
Gjatë kontrollit të ushtruar i janë gjetur dhe sekuestruar në cilësinë e provës materiale një sasi e vogël lënde narkotike e dyshuar kokainë, një armë zjarri pistoletë e tipit “Pjetro Beretta”, si dhe 12 fishekë të modelit 7.65 mm.
Stresi akuzohet për “Mbajtje pa leje dhe prodhim të armëve shpërthyese dhe të municioneve” si dhe “Prodhim dhe shitje e lëndëve narkotike”.
