Dalin të tjera detaje lidhur me konfliktin me armë pranë një hoteli në Sauk, ku mbeti i plagosur një 27-vjeçar.
Personi i plagosur identifikohet si Elvis Murati, ndërsa mësohet se ndodhet jashtë rrezikut për jetën.
Ndërkohë, sipas “BalakanWeb” autori i dyshuar për ngjarjen është një student i Akademisë së Policisë, i cili është shpallur në kërkim.
Njoftimi i plotë:
Tiranë/Informacion paraprak
Në afërsi të një parkingu të një hoteli në Sauk, gjatë një konflikti të çastit për motive ende të paqarta, shtetasi N.N dyshohet se ka plagosur me armë zjarri jashtë rrezikut për jetën shtetasin E.M.,27 vjeç, banues në Tiranë .
Grupi hetimor ka shkuar në vendngjarje dhe po punon për zbardhjen e rrethanave tê ngjarjes.
Shërbimet e Policisë po krehin zonën dhe kanë ngritur pika kontrolli për kapjen e autorit i cili është shpallur menjëherë në kërkim policor
