Ekzekutimi i të riut Marjo Majollari poshtë banesës së tij në zonën e Kinostudios mbrëmjen e djeshme, ka lidhje me vrasjet e ndodhura disa vite më parë.
Babai i Marjos në vitin 2000 ka bërë një vrasje dhe është duke vuajtur dënimin përjetë, e ndërsa bëhet me dije se Armando Nelaj që është vrarë nga babai i Marjos, ka qenë kushëriri i parë i nënës së Marjos, e cila e ka pasur djalë xhaxhai.
Avni Majollari ishte dënuar me burgim të përjetshëm për veprën penale të “Vrasjes me paramendim” e kryer në bashkëpunim. Bashkëpunëtori në vrasje i Avniut, që është dënuar me 10 vjet burg për vrasje në bashkëpunim është në kërkim dhe sipas të dhënave dyshohet se ndodhet në Amerikë.
Njoftim i policisë për arrestimin e Avni Majollarit
Sipas policisë, rreth orës 00:15, në rrugën “Ibrahim Brahja” në Tiranë, nga Sektori i Operacioneve Speciale dhe Kërkimit është bërë e mundur kapja e personit shumë të kërkuar Avni Xhemal Majallari, 44 vjeç, lindur e banues në Tiranë. Majallari ishte dënuar me “Burgim të përjetshëm”, për veprën penale të “Vrasjes me paramendim” e kryer në bashkëpunim.
Shtetasi shqiptarë në vitin 2000 ka vrarë pas një konflikti me armë zjarri shtetasit Armando Nelaj dhe Ilir Gjuzi, në segmentin rrugor Tiranë – Dajt. Gjatë momentit të kapjes, shtetasi Avni Majollari mbante në dorë një pistoletë tip “TT” ku pas kontrollit të imtësishëm në banesës ju gjet një automatik kallashnikov, një pistoletë tip “Cervena Zastava” si dhe një sasi e konsiderueshëm fishekësh e municionesh.
