Mesditën e djeshme, në plazhin e Durrësit ka dështuar nje atentat i mirë-organizuar me armë zjarri ndaj një personi me inicialet A.N. Personi në fjalë ka qenë në këtë zonë kur është qëlluar me armë zjarri (e dyshuar snajper) që fatmirësisht nuk e ka kapur atë, pasi plumbi ka përfunduar në një automjet të rastit.
Ngjarja ka ndodhur mesditën e djeshme në afërsi të zonës së quajtur “Rrota e kuqe”, në rrugën “Pavarësia”. Mësohet se është qëlluar me snajper nga brenda një furgoni, sapo shënjestra ka dalë nga automjeti i blinduar G-Class.
A.N (shënjestra e atentatit) ka shpëtuar, ndërsa plumbi ka përshkruar një tjetër automjet me targa të huaja që ishte i parkuar. Policia ka marrë në pyetje shtetasin me inicialet A.N.
Objektivi i këtij atentati mësohet se përpara hetuesve ka deklaruar se ka qenë në lëvizje kur është qëlluar nga persona të paidentifikuar.
