Pas një sezoni mjaft të dobët tek Milani, Andre Silva ka bërë një debutim fantastik me Sevillan në Spanjë. Në ndeshjen përballë Rayo Vallecanos, portugezi ka shënuar tre gola në fitoren 1-4. 22-vjeçari u huazua këtë verë të klubi spanjoll nga Milani, por me të drejtë blere.
Tregolëshi që në ndeshjen e parë ka bërë që të gjitha mediat të flasin për Silvan, por edhe për ndryshimin mes La Ligas dhe Serie A. Silva në 24 ndeshje për Milanin kishte shënuar vetëm dy gola, duke u konsideruar kështu një dështim i madh pasi ai u ble nga Porto me pritshmëri të mëdha.
Pas golave ndaj Vallecanos portugezi është bërë lojtari i parë në shekullin XXI që shënon het-trik në debutimin e tij në La Liga. I fundit që e kishte arritur këtë ishte Romario në sezonin 1993/94 me Barcelonën.
