Aktorja e famshme Marilyn Monroe u gjet e vdekur në banesën e saj në Los Angeles më 5 gusht 1962, autoritetet thanë në atë kohë se vdekja e modeles kishte ardhur si pasojë e një mbidozë.
Por Steven Greer, një gjuetar UFO-sh është shprehur në dokumentarin “Unacknowledged” se Monroe është vrarë nga CIA që të mos zbulonte të vërtetën në lidhje me UFO-t.
Greer pretendon se i është dhënë një përgjim telefonik midis Marilyn dhe ish-Prokurorit të Përgjithshëm Robert Kennedy, që daton vetëm dy ditë para vdekjes së saj.
Sipas të dhënave në vitin 1947, në Roswell ushtria e Shteteve të Bashkuara mblodhi mbetjet e një anijeje kozmike jotokësore së bashku me “personat” e gjendur në atë anije dhe më pas mbuluan gjithçka.
Dyshohet se aktorja ka shkuar në vendin ku ndodhej anija së bashku me Robert Kennedy. Por, për të mos rrezikuar nxjerrjen e sekretit për ekzistencën e alienëve, autoritetet kanë vendos ta vrasin Monroe.
Kjo është teza e Greer, pasi deri më tani ende nuk është vërtetuar ekzistenca e jashtëtokësorëve, apo që aktorja të jetë vrarë dhe jo të ketë vdekur nga mbidoza.
Në fakt, për vdekjen e Monroe janë ngritur një sërë tezash të cilat përjashtojnë se ajo humbi jetën nga mbidoza.
