Presidenti serb Aleksandar Vucic ka folur për marrëveshjen e “mini-Shengenit Ballkanik”.
Gjatë një interviste dhënë për “Der Spiegel”, Vuçiç deklaroi se në samitin e Ohrit u arrit një pajtueshmëri në shumicën prej pikave, mes tij, Zoran Zaevit dhe kryeministrit Edi Rama.
“Kam qenë me Kryeministrin e Shqipërisë dhe atë të Maqedonisë së Veriut në samitin në Ohër dhe jemi pajtuar në pothuajse secilën pikë, përfshirë atë që unë të flasë më Presidentin e Francës, Emmanuel Macron edhe në emër të tyre, ashtu siç bëra janë e kaluar”, tha Vuçiç.
DW: Në Kosovë kundërshtohet ashpër “mini-Shengeni ballkanik”
Ndër të tjera, kreu i shtetit të Serbisë shpjegoi përfitimet që mund të vijnë nga marrëveshja e “mini-Shengenit”.
“Ne në Ballkan nuk duam që të mashtrohemi nga vendet e mëdha të BE-së apo të bëjmë lojëra kundër njëri-tjetrit. Ideja ime e “Mini-Shengenit” në Ballkan do të thotë, lëvizje e lirë e mallrave dhe njerëzve. Kjo i kontribuon kësaj. Ne po i japim fund një situate në të cilën kamionët tanë detyrohen që të presin në kufi nga 90 orë. Banka Botërore vlerëson se kjo do të çojë në 3.5 miliardë euro kurime në rajon”, shtoi ai.
Po ashtu, Vuçiç u shpreh se Kosova nuk dëshiron të jetë pjesë e “mini-Shengenit”.
“Kosovarët nuk e duan këtë. Albin Kurti, i cili duket se do të jetë lideri i tyre i ardhshëm tingëllon se dëshiron që të bëhet lider i Shqipërisë së Madhe. Kosova veten e sheh si shtet, por ne nuk e shohim ashtu. Por ne duhet të punojmë bashkë”.
