Prej 14 janarit, situata politike ka ndryshuar dhe palët kanë arritur një farë “armëpushim”, pasi si mazhoranca, ashtu edhe opozita janë ulur në tryezën e dialogut sa i takon Reformës Zgjedhore. Ish-deputeti demokrat, Enkelejd Alibeaj, tha në “Tempora” se dokumenti i Bundestagut siç parashikon uljen në tryezë për Reformën Zgjedhore, parashikon edhe ndëshkimin e shitblerjes së votës.
Ai risolli edhe një herë në kujtesë se çfarë akti ndërmorën me djegien e mandateve. Sipas tij, në çastin e fundit ata dëgjuan zërin e arsyes që erdhi nga ndërkombëtarët.
“Për 6 muaj dogjëm mandatet, nuk hymë në zgjedhje. Momentin e fundit dëgjuam zërin e arsyes, që erdhi nga ndërkombëtarët. Është e pahijshme të jemi përballë me Gjiknurin, por ai dokument i Bundestagut që Damianin ta ulë në tavolinë, pikën e dytë ka Damianin në burg. Derrit dajë do ti them që të fus Damianin, Edi Ramën dhe të gjithë të tjerët në burg. Këtë e pranoj dhe pastaj shqiptarët të vendosin”, u shpreh Alibeaj.
