Në studimin e kryer nga një ekip i Universitetit Gottingen thuhet se sasia e ushqimit që duhet për të ushqyer popullsinë në botë deri në fund të shekullit 21, mund të rritet për gati 80 për qind.
Studiuesit nga Gjermania shprehen se ka një prirje të rritjes së Indeksit të Masës së Trupit, që do të pasohet me rritjen e kërkesës për kalori.
Autorët e studimit paralajmërojnë se mosplotësimi i kërkesave për më shumë kalori mund të shkaktojë pabarazi në botë.
Ekip i Universitetit të Gottingen llogariti se 60% e rritjes së kalorive ka për të qenë rrjedhojë e shtimit të numrit të njerëzve nëpër botë. Sipas OKB-së, popullsia globale do të shkojë nga pothuajse shtatë miliardë vetë që ishte në vitin në 2010, në gati 11 miliardë në 2100-tën.
Kërkesa e madhe për ushqim do të ndikojë në rritjen e çmimeve të produkteve ushqimore, dhe nga gjithë kjo situatë, ata që do të vuajnë më shumë do të jenë vendet e treta.
