Deputetja e opozitës, Fatjona Dhimitri, ka kërkuar shpjegime nga ministri Lleshaj dhe e ka akuzuar se policia ka thyer ligjin, dhe ka dhunuar protestuesit gjatë protestës së Teatrit. Ajo tha se përplasjen e policisë e ka shkaktuar policia, e madje i ka qëlluar qytetarët me forcë.
“Protestuesit kanë qenë në të drejtën e tyre, ata nuk kanë qenë të dhunshëm. Përplasjen fizike e ka nisur policia dhe i ka qëlluar me forcë, i ka rrëzuar në tokë.
Forcat e policisë ishin disa herë më të larta në numër se protestuesit. Forcat e policisë kanë qenë e paligjshme dhe në kundërshtim me udhëzimet.
Ju lutem shpjegoni si është vepruar nga policia gjatë protestës së Teatrit”, u shpreh deputetja.
