Deputetja e LSI-së, Silva Caka tha se në polici ka titullarë që kanë marrë grada jashtë çdo procedure. E ftuar në “360 Gradë” në Ora News, Caka sqaroi se nuk është respektuar asnjë afat kohor. Ajo tha se vettingu po kërkohet për të nxjerrë këta persona na radhët e Policisë së Shtetit.
Gjithashtu, deputetja nënvizoi edhe përfshirjen në trafikun e drogës të titullarëve të policisë.
“Në kupolën e Policisë së Shtetit ka njerëz që i kanë marrë gradat duke kaluar çdo kufi kohor dhe çdo kufi procedural. Prandaj kërkojmë vettingun në polici dhe ndaj e duam. Ka raporte të DASH, por varet si i interpreton. Ashtu e interpretoi edhe ish-ministri i Brendshëm dhe nuk rezultoi ashtu.
Strategjia e zgjerimit të KE-së ta pranoi qartë që në trafikun ndërkombëtar të lëndëve narkotike ke të përfshirë struktura të larta policore dhe emra të caktuar.
Ke efektivë policie të përfshirë në mënyrë nominale në trafikun e lëndëve narkotike,” deklaroi Caka.
