Që prej datës 1 prill qeveria ka vendosur që TVSH-në duhet ta paguajnë edhe bizneset e vogla. Ky vendim i qeverisë Rama solli protesta dhe bojkote nga ana e biznesit të vogël që u përkrahë edhe nga opozita.
Partia Demokratike dhe Lëvizja Socialiste për Integrim kanë mbështetur protestat e organizuara nga shoqata e biznesit të vogël, por në disa raste PD-ja ka organizuar vetë protestat duke deklaruar se është kundër këtij vendimi të qeverisë.
Deputeti i PD-së Agron Shehaj ka shkuar më tej duke krijuar një aplikacion që të gjitha bizneset në vend të llogarisin TVSH-në që do të paguajnë ndaj biznesit.
“Nëse biznesi yt përfshihet në TVSH, mund t’i detyrohesh qeverisë më shumë taksë, deri në 17% të xhiros. Plotëso formularin dhe zbulo sa para më shumë do i paguash qeverisë,” shkruhet në aplikacionin e krijuar nga Shehaj i cili i ndihmon bizneset që të përllogarisin TVSH-në dhe fitimin, shkruan Tirana Today.
Kujtojmë së deputeti Shehaj ka publikuar pak kohë më parë një video ku shpjegon pasojat që do të sjellë vendosja e TVSh-së tek biznesi i vogël. Shiko videon dhe zgjidh të besosh atë që të duket më bindëse! TIRANA TODAY
