Deputeti dhe kryetari i PS në Fier, Petro Koçi ka apeluar ndaj SPAK-ut që ti drejtohet edhe Fierit, pasi shpreh shqetësimin mbi financat publike. Në shenjë këmbane alarmi, ai shpreh haptazi shqetësimin se personazhe të trafikut të drogës dhe dhunës, kanë legalizuar subjekte biznesi që fitojnë tendera publike.
Petro Koçi zbardh edhe skemën si realizohet kjo gjë. Sipas tij, kjo funksionon nëpërmjet lidhjeve me ndonjë titullar institucionesh, ose me anë të kërcënimit të zyrtarëve të caktuar që ekzekutojnë prokurimet.
Me anë të një reagimi të fortë në rrjetet sociale, Koçi akuzon titullarët e institucioneve, për bashkëpunim me trafikantët, ndërsa sipas tij, disa të tjerë bien pre e kërcënimeve.
Statusi
Efektet e SPAK dhe te Reformes ne Drejtesi po japin rezultat. Bota e krimit dhe te korruptuarit kane filluar te ndjejne frike nga ligji. Keto efekte i mirepresim edhe ne Fier ku duart e krimit jane shtrire mbi financat publike.
Protagoniste te trafikut te droges dhe te dhunes tashme kane legalizuar subjekte biznesi qe fitojne tendera publike. Kete e realizojne ose nepermjet lidhjeve te drejtperdrejta me ndonje titullar institucionesh ose nepermjet kercenimit te zyrtareve te caktuar qe ekzekutojne prokurimet si edhe nepermjet eleminimit te konkurrenteve ne procesin e tenderimit duke kercenuar pronaret e subjekteve te biznesit. Te fuqizuar sidomos duke lare parate e pista ne industrine e ndertimit ata vazhdojne te pervetesojne fitime kolosale nga taksat tona. Organet ligjzbatuese nuk duhet te lejojne qe qyteti yne ti nenshtrohet botes se krimit te organizuar.
