Deputeti Adriatik Alimadhi, tashmë e ka fituar betejën me koronavirusin. Në një lidhje me Skype në “Open”, ai foli për situatën e tij. Alimadhi bëri një deklaratë të fortë, ku tha se në spital bëhet politikë. Ai deklaroi se vetëm kur rastin e tij e bëri publik, iu kushtua më tepër vemendje.
“Në spital bëhet politikë. Kam telefonuar në 127, dhe nuk janë marrë masat e duhura. Vetëm kur e bëra publike rastin, u kushtua një vëmendje më e madhe. Kam persona në fisin tim që kanë telefonuar 127, dhe u është thënë; në qoftë se keni temperaturë merrni një paracetamol. Nëse keni dhimbje fyti, pini çajra etj.
Nuk u bë një studim për këtë rast. Prandaj them unë se bëhet politikë”, tha më tej ai.
Ndërkaq, kreu i Urgjencës Kombëtare, Skënder Brataj, iu kundërpërgjigj duke thënë se ai e ka telefonuar personalisht deputetin sapo mësoi rastin.
