Pedagogu dhe kryetari i LRE, Arian Galdini, shprehet se vetëm në Shqipëri kemi politikanë që e nisin nga rroga e kamarierit dhe përfundojnë milionerë.
Në komentin e tij, ai citon se kur bëhen politikanë, blejnë vila luksoze, makina prodhimi i vitit të fundit. Jo vetëm kaq, por edhe shpenzojnë çmime marramendëse për dreka e darka.
Duke kujtuar faktin se populli është në mjerim, ai apelon ndaj të gjithëve, që të marrin në dorë fatet e tyre.
Statusi
Abraham Lincolni bëri histori sepse e nisi politikën si punonjës poste me 17 dollarë në llogari dhe vdiq (u vra) si President i SHBA dhe ende kishte vetëm 17 dollarë në llogari.
Vetëm në Shqipëri, kemi politikanë që kanë nisur me rrogë kamarieri dhe kur bëhen politikanë blejnë vila luksoze, makina të vitit të fundit të prodhimit, vishen firmato dhe shpenzojnë dreka e darka me verëra nga 500 a 600 euro shishja në 1500 euro shishja….
Dhe ende ka ndjekës të këtyre plaçkaxhinjve.
Shihuni vilat jo fjalët.
Shihuni makinat jo fjalët.
Shihuni veshjet jo fjalët.
Shihuni me kë rrinë e më kë drekojnë e darkojnë e ku kalojnë fundjavat e pushimet, jo fjalët…
Sepse po vazhduat ti votoni e ndiqni këta, mos u ankoni më sepse nuk jua ka fajin askush….
Kaq.
