Kryetari i Kuvendit, Gramoz Ruçi, ka firmosur urdhrin për rifillimin e punimeve në Parlament më 7 shtator 2020, në orën 17:00.
Gazetarët nuk do të lejohen në Parlament, dhe komisionet do bëhen online. Sesioni i ri parlamentar pritet që të jetë mjaft i ngjeshur me projektligje, por edhe debate të shumta mes shumicës dhe opozitës.
Rendi i ditës përbëhet nga 4 pika, nga miratimi i procesverbalit të seancës plenare datë 29.07.2020 dhe 30.07.2020 tek Miratimi/Njoftimi i draftprogramit të punës së Kuvendit për periudhën 7 shtator – 16 tetor 2020.
