Një 23 vjeçar në kërkim ndërkombëtar është arrestuar pas finalizimit me sukses të operacionit “Weekend”.
Në pranga ka përfunduar shtetasi Athanas Xhuveli, banues në Tiranë dhe i lindur në Vlorë, i cili është dënuar me 10 vjet burg në shtetin italian.
Gjithashtu, gjatë kontrollit në banesë i gjenden, një armë zjarri pistoletë, lëndë narkotike e llojit Cannabis Sattiva, një maskë, doreza dhe peshore elektronike.
Në vijim të punës për kapjen e personave në kërkim, të atyre që mbajnë armë zjarri pa leje, e lëndë narkotike, Specialistët e Sektorit të Krimeve të Rënda, kanë marrë informacion se ky shtetas dispononte armë zjarri dhe lëndë narkotike, si dhe gjithashtu ishte i shpallur në kërkim nga Gjykata e Aquila/Itali, e cila në vitin 2013 e ka dënuar me 10 vjet burg për kryerjen e veprës penale “Grabitje dhe dëmtim”.
Arrestimi i Xhuvelit u bë në rrugën “5 Maj”, në drejtim të një motomjeti të markës “Kymco”, ku pas verifikimeve ka rezultuar pa leje drejtimi.
Gjatë kontrollit të banesës së marrë me qera prej tij, në afërsi të zonës së tregut “5 Maj”, i janë gjetur dhe sekuestruar në cilësinë e provës materiale:
Një armë zjarri tip pistoletë e markës “Beretta”, kalibri 9 mm,
273.8 gram lëndë e dyshuar narkotike e llojt Cannabis Sattiva,
Një maskë e zezë,
Dy palë doreza të zeza,
Një peshore elektronike,
Një motomjet i markës “Kymco”
Materialet proceduriale do t’i kalojnë Prokurorisë pranë Gjykatës së Shkallës së Parë Tiranë për veprat penale “Prodhimi dhe mbajtja pa leje e armëve luftarake dhe e municionit”, “Prodhimi dhe shitja e narkotikëve” dhe “Drejtimi i automjeteve në mënyrë të parregullt”, parashikuar nga Nenet 278, 283 dhe 291, të Kodit Penal Shqiptar.
https://www.facebook.com/1502420603377639/videos/2020384664914561/
