Pas denoncimit të Partisë Demokratike, se nënkryetari i Bashkisë së Tiranës, Arbjan Mazniku, ka bërë pushime luksi me paratë e Fusha Shpk, ka ardhur edhe reagimi i Prokurorisë së Përgjithshme.
Mësohet se, Prokuroria e Përgjithshme i ka bërë kërkesë Prokurorisë së Tiranës për të verifikuar rastin, ndërsa njofton se ka nisur verifikimin për denoncimin e PD-së.
“PP ka marrë parasysh kërkesën e Partisë Demokratike. Ne kërkojmë të nisë vlerësimi për këtë denoncim. Kërkojmë informacion për mënyrën e trajtimit të materialit”, thuhet në njoftimin e Prokurorisë së Përgjithshme.
Kujtojmë se më herët ditën e sotme, zëdhënësja e PD-së, Ina Zhupa, tha se Mazniku jeton në luks dhe se paratë paguhen pikërisht nga Fusha Shpk, një aleate e Bashkisë së Tiranës dhe fituesja e shumicës së tenderave të bashkisë.
