Shqiptari Martin Shkreli, i konsideruar si njeriu më i urryer në Shtetet e Bashkuara të Amerikës është dënuar sot nga gjykata me 7 vite burg-shkruan Tirana Today.
Ai doli si i pandehur përpara gjykatëses amerikane Kiyo Matsumoto, në Gjykatën Federale në Brooklyn të Nju Jorkut. Avokati i tij u kërkoi gjyqtarëve të vendosnin në dënim të mundshëm nga 12-18 muajsh, ndërsa kërkesa e prokurorëve ishte për të paktën 15 vite burg.
Në fund Martin Shkreli u dënua me burg nga gjykatësi i rrethit të SHBA-së, Kiyo Matsumoto. Ai u dënua edhe vitin e kaluar për gënjeshtra ndaj investitorëve në dy fonde të dështuara-shkruan Tirana Today.
Martin Skreli gets 7 years from CNBC.
Shkreli në momentin e dënimit të dhënë nga gjykatësi ka ngritur zërin duke bërtitur. Ai ka pranuar se ka bërë shumë gabime dhe për këtë kërkoi falje para trupit gjykuese në Amerikë. Shqiptari u dënua me 7 vite burg, kure ndaj tij rëndojnë akuzat e mashtrimit me letrat me vlerë në dhjetor të vitit 2015.
Sipërmarrësi i lindur në Brooklyn është 34 vjeç. Ai u bë i njohur me “Pharma Bro” në shtator të vitit 2015, pasi kishte themeluar “Turing Pharmaceuticals”, duke blerë ilaçin antiparazitar “Daraprim” dhe duke ia rritur çmimin me 5.000 për qind, deri në 750 dollarë për kapsulë.
Kujtojmë se në seancën dëgjimore , Shkreli u shpreh i penduar duke deklaruar se ka mësuar nga gabimet e kryera, por kjo nuk e ka shpëtuar dot nga drejtësia amerikane. TIRANA TODAY
