Vëllezërit Josif dhe Dritëbardh Çuko nga Fieri, janë personat e fundit të dënuar më vdekje në Shqipëri. Ata u dënuan për ngjarjen e tmerrshme, që u bë e njohur si “Masakra e Libofshës”, ku mbetën të vrarë 5 anëtarët e një familje.
Mbrëmjen e 29 majit 1992, dy vëllezërit hynë në mesnatë në banesën e familjes Puto, me qëllim grabitjen e familjes. Ata vranë djalin e vogël të shtëpisë së bashku me nusen e tij, vajzën 8 muajshe, babanë dhe nënën e tij.
Policia zbuloi brenda pak orësh autorët e krimit makabër. Në më pak se një muaj, vëllezërit Çuko u gjykuan dhe u dënuan me vdekje, me ekzekutim me varje në mes të qytetit.
Varja u krye më 25 qershor 1992 në mes të qytetit të Fierit, dhe trupat e u lanë të varur deri mbrëmjen tjetër, për t’u parë nga turma njerëzisht që erdhën dhe nga qytetet e tjera.
Ky dënim u kundërshtua me forcë nga organizmat ndërkombëtarë, por gjeti mbështetje në opinionin vendas. Tre vjet më vonë Shqipëria u bë anëtare e Këshillit të Evropës, duke anuluar paraprakisht dënimin me vdekje në Shqipëri.
Gjatë dhe pas vitit 1997 ka pasur shumë krime të llahtarshme, më i fundit masakra e Selenicës, kur Ritvan Zykaj ekzekutoi 8 persona të një familje. Megjithatë përpos indinjatës së opinionit publik, organet përkatëse e kanë të pamundur të dënojnë më shumë se sa burgimi i përjetshëm.
Përgatiti Tirana Today
