Futbollisti Alex Telles ka pësuar një dëmtim të frikshëm dhe të çuditshëm, pikërisht sapo ka gjuajtur një penallti.
Mbrojtësi i Portos u lëndua pasi goditi një 11-metërsh në ndeshjen e fundit kundër Braga në kampionatin portugez.
Siç duket në video, futbollisti e ka vënë keq këmbën në momentin e gjuajtjes duke i shkaktuar një dëmtim të madh. Ai shtrihet në fushë duke bërtitur nga dhimbjet, ndërsa stafi mjekësor ndërhyn menjëherë.
Ende mbetet për t’u përcaktuar shkalla e dëmtimit, por sipas mediave portugeze sezoni i Alex Telles mund të jetë mbyllur përpara kohe.
