Listës së institucioneve të dëmtuara nga tërmeti i 26 nëntorit i shtohet edhe komisariati i policisë në Kurbin.
Pas inspektimeve të bëra godina në fjalë ka dalë e pabanueshme, duke bërë që personeli të largohet nga aty. Mësohet se ata janë zhvendosur dhe po punojnë në një zyrë të vogël në katin e parë, ku raportohet të ketë më pak probleme nga tërmeti.
Nga ana tjetër ka nisur puna në godinat e Gjykatës dhe Prokurorisë. Pas inspektimeve në këto godina është verifikuar se dëmet e shkaktuara nga tërmeti nuk përbëjnë rrezik.
Ndërkohë bëhet me dije se ende nuk është inspektuar godina e Gjykatës së Lezhës, duke bërë që gjyqet të pezullohen.
