Një ngjarje e rëndë ka ndodhur në Delvinë, ku një 72-vjeçar ka rënë pre e dhunës dhe grabitjes.
Mësohet se një person i maskuar ka hyrë në shtëpinë e Kosta Shapos rreth orës 03:00 të mëngjesit, në fshatin Muzinë.
Shapo, i cili jetonte vetëm, është invalid. Fillimisht grabitësi i ka bërë presion dhe më pas e ka goditur në fytyre dhe në stomak. Pas dhunës, autori i maskuar i ka marrë të moshuarit 15 mijë lekë të reja dhe është larguar.
I moshuari është dërguar në spital për ndihmë mjekësore, ndërsa policia ka nisur hetimet për identifikimin dhe kapjen e autorit të ngjarjes.
