Delegacioni gjerman ditën e sotme ka reaguar lidhur me situatën politike në vend duke shprehur hapur mendimet e tij rreth vendimeve që duhet të merren për përmirësimin e saj.
Kryetari i Grupit Parlamentar (SPD) Josip Juratovic, lidhur me faktin nëse rrezikon Shqipëria një konflikt apo përplasje civile në 30 qershor, theksoi se kjo nuk është në dorën e tij, por të qytetarëve shqiptarë: “Unë personalisht nuk jam askush që mund të jap një recetë rekomandimesh. Kjo është në dorën e qytetarëve shqiptarë për të vendosur se çfarë duan ata, procesi është konkurrim dhe pres që partitë politike të marrin pjesë në këtë proces. Dhe nga ana tjetër, është bindja ime personale”.
Po ashtu ai nuk ngurroi që të thumbonte publikisht kreun e PD-së Lulzim Basha duke pohuar se përmirësimi nuk vjen duke qëndruar në rrugë, por duke u përballur me problemet: “Unë mund të parafytyroj si fëmija braktis vendin. Politika dhe partitë do të përballen me këto gjëra. Detyra e politikanëve është të përballen me këto probleme dhe mos të dalin në rrugë me tymuese për të realizuar qëllimet e tyre”.
