Një operacion i madh policor po zhvillohet në Veri të vendit. Deri më tani pjesa veriperëndimore e vendit ishte lënë jashtë hartës së drogës. Por, aksioni i fundi i policisë vërteton të kundërtën.
Një laborator heroine është zbuluar sot nga policia në Has. Siç duket edhe nga pamjet, janë dy kapanone të kthyer në laborator heroine. Pesë personat e arrestuar janë. Ata janë shtetasit me inicialet: V .B; F. C; XH.SH; M.SH dhe A.SH.
Burime thanë se një sasi opiumi është sekuestruar brenda laboratorit. Kujtojmë se opiumi është lënda bazë e heroinë. Është sekuestruar gjithashtu dhe një sasi e konsiderueshme heroine e përpunuar.
Aktualisht është duke u zhvilluar një operacion i madh në fshatrat e Hasit. Operacioni është shtrirë në disa zona, ku po kryhen kontrolle por ende nuk dihet nëse ka të shoqëruar.
Ndërhyrja është bërë mëngjesin e sotëm nga RENEA dhe FNSH, por Policia e Shtetit ende nuk ka dhënë detaje për këtë zhvillim duke e mbajtur atë sekret.
Operacioni është në vijim dhe priten të tjera arrestime orët në vijim. Por burime të besueshme pohojnë se janë arrestuar pesë persona. Fabrika është zbuluar rastësisht nga një kontroll i policisë në periferi të Hasit, pas informacioneve se në disa banesa mbahej lëndë narkotike e llojit kanabis.
