Avioni privat i Elvis Presley-t do të nxirret në ankand më 27 maj, pas qëndrimit prej më shumë se 30 vitesh në Roswell të New Mexico-s.
“Lockeheed JetStarOne”, i cili njihet edhe si “avioni i humbur” i vitit 1961, pritet të shitet për 2 deri në 3.5 milionë dollarë.
Mbreti i Rock n Roll, e kishte në pronësi avionin së bashku me të atin, Vernon Presley.
Avioni është një nga tre të cilët posedonte Mbreti i muzikës Rock n Roll përgjatë jetës së tij, por ky ishte i veçantë për të pasi e kishte në pronësi bashkë me babain e tij, Vernon Presley.
“Ky avion nuk është përdorur më që pas ndarjes nga jeta e Elvis, dhe madje as nuk është restauruar. Pjesa e brendshme ishte e dizajnuar në bazë të preferencave të këngëtarit, ka pjesë prej druri dhe ari”, thonë përgjegjësit.
