Policia e Shtetit ka publikuar sot listën e 32 personave më të kërkuar në qarkun e Elbasanit. Në mesin e të shumëkërkuarve në këtë qytetet, është edhe emri i Suel Çelës. Ndërsa, për herë të parë autoritetet kanë bërë publike dhe foton e 30-vjeçarit të akuzuar për tentativë vrasje të efektivëve të policisë së Elbasanit. Ai ishte i përfshirë në incidentin e rëndë të ndodhur në tregun agro-ushqimor të këtij qyteti më 18 shtator të vitit 2017.
Ai është shpallur në kërkim policor pasi gjykata ka vendosur “Arrest me burg” ndaj tij për veprën penale “Vrasje e punonjësve të policisë mbetur në tentativë”. Çela konsiderohet nga policia si një person me rrezikshmëri të lartë. Në foton e publikuar nga Policia e Shtetit jepet dhe emri e mbiemri tjetër i 30-vjeçarit si: Marjus (Suel) Petrit Lulaj (Çela). Sipas Prokurorisë së Krimeve të Rënda mjetin “Audi” që goditi policinë e ka drejtuar Suel Çela.
Incidenti, nga i cili u publikuan dhe video atë kohë shkaktoi një reagim të madh në radhët e strukturave të policisë së Shtetit dhe lëvizje dhe tërhoqi vëmendjen duke u bërë lajmi kryesor në mediat shqiptare.
