Mediat serbe janë ngritur në “këmbë” dhe i kanë dhënë jehonë deklaratës së bërë nga shefin e Shtabit të Forcave të Armatosura të Republikës së Shqipërisë, gjeneral brigade Bardhyl Kollçaku, gjatë një vizite të tij në Prishtinë. Ai është shprehur se Shqipëria do të ndihmojë Kosovën në formimin e ushtrisë së saj.
Ai ka theksuar se është i mrekulluar me progresin e arritur të Forcës së Sigurisë së Kosovës, në një periudhë të shkurtër kohore. Ai këto fjalë i tha në një konferencë për medie së bashku me komandantin e FSK-së gjenerallejtënant, Rrahman Rama. Shefi i Shtabit të Përgjithshëm të Forcave të Armatosura të Republikës së Shqipërisë tha se FSK-ja në një periudhë të shkurtër kohore ka arritur kapacitete të plotë operacionale. “Përfitoj nga rasti që t’i falënderoj FSK-në dhe Qeverinë e Kosovës për ndihmën e dhënë në rastin e emergjencave në Shqipëri, shkruan Tirana Today. FSK-ja e tregoj veten jo vetëm në reagimin e menjëhershëm, por edhe në profesionalizimin e tyre, duke e ndihmuar popullsinë në zonat e afektuara, bashkëpunimi jonë për vitin 2017, ka qenë shumë në nivel dhe janë realizuar të gjitha aktivitet e parashikuara. Në vitin 2018, presim një shtim të aktiviteteve jo vetëm në sasi, por edhe në cilësi. Ne jemi të vendosur të mbështesin transformimin e FSK”, tha, Shefi i Shtabit të Përgjithshëm të Forcave të Armatosura të Republikës së Shqipërisë, gjeneral brigade Bardhyl Kollçaku.
Kjo deklaratë e bërë nga Kollçaku, ka bërë që mediat Serbe t’i kushtojnë disa artikuj. Kështu B92 e nis shkrimin e saj me titullin ““Shqipëria do të ndihmojë Kosovën në formimin e ushtrisë”.
Ndërsa N1 shkruan: “Shqipëria mbështet formimin e ushtrisë së Kosovës”.
Media tjetër NSPM e titullon lajmin: “Bardhyl Kollçaku: Shqipëria mbështet transformimin e Forcës së Sigurisë së Kosovës në Ushtrinë e Kosovës”.
Por, media RTV shkruan: “Kolçaku: Shqipëria do të ndihmojë Prishtinën të transformojë forcat e armatosura”.
