Deklarata e Scolarit trondit Madridin: Ronaldo e sheh të ardhmen në Kinë

Cristiano Ronaldo dhe partnerja e tij, Georgina Rodriguez kanë qenë prezent në një event gala të organizuar nga Federta Portugeze, ku ylli i Real Madrid u shpall si futbollisti më i mirë luzitan për vitin 2017. Por ajo që ka bërë më shumë bujë në këtë mbrëmje nuk ka qenë çmimi i marrë nga ky i fundit, por një deklaratë e papritur e trajnerit brazilian, Luiz Felipe Scolarit.

Deklarata e tij po bën xhiron e botës, pasi ish trajneri i Portugalisë u shpreh se Ronaldo e kishte pyetur atë për Superligën kineze. Këto fjalë kanë krijuar panik tek tifozët madrilenë të cilët shpresojnë që ta kenë edhe për një sezon yllin portugez në ekip.

Scolari punoi për tre vite në Kinë pasi ishte trajneri i Guangzhou Evergrandes. Deklarata e Scolarit të bën të mendosh se CR7-ta e shikon të ardhmen e tij në Kinë dhe nëse vendos të largohet nga Reali gjatë kësaj vere mund të zgjedhë pikërisht Lindjen e Largët dhe jo një rikthim të mundshëm te Manchester United ose tranferimin e te Paris Saint Germain, dy klubet e tjera të interesuara për yllin luzitan.