Prokuroria e Tiranës ka thirrur kryetarin e PD-së, Lulzim Basha për të dëshmuar në datë 17 qershor në Prokurori, në lidhje me lobimin rus në SHBA.
Në lidhje me këtë rast, gazetari Bledian Koka, teksa është i ftuar këtë mbrëmje në “360 Gradë”, ka deklaruar se nuk bëhet fjalë për thirrje në cilësinë e të pandehurit. Sipas tij, prej 10 ditësh po kërkohet arrestimi i kreut demokrat, Lulzim Basha nga kryeprokurorja Arta Marku.
“Prokuroria e Tiranës ka thirrur të pandehur kreun e PD-së, Lulzim Basha. Ka thirrur edhe sekretarin e PD-së, Arben Ristani dhe Ilir Dervishi për financimet Ruse në kontratën e lobimit. Nga informacionet që kam nuk bëhet fjalë për thirrje në cilësinë e të pandehurit. Por prej 10 ditësh kërkohet, jo përflitet, por kërkohet arrestimi dhe ndalimi i kreut PD, nga Arta Marku për këtë dosje.
Kjo dosje kërkon që të zbardhet, të ketë informacion, janë përdorur kanale të paligjshme dhe deri këtu është e drejtë. Por kur kjo prokurore me urdhër të saj shton edhe dy prokurorë, ndërkohë që një është, shton edhe dy, në momentin kur mazhoranca është në pikën më të ulët me vendimin e presidentit të Republikës për zhdekretimin e zgjedhjeve, cfarë duhet të bëjmë.
Duhet të prodhojmë një kauzë tjetër që është shumë më e rrezikshme se sa anulimi i datës, diskutimi nëse presidenti e shkeli apo jo kushtetutën”, tha gazetari.
